Di Pelabuhan Adodo Molu, ada banya carita. Di pelabuhan seng cuma ada kapal, penumpang, mar jua ada mama-mama dari Adodo Molu yang mancari hidop. Tiap bunyi stom kapal, dong balari ka pelabuhan. Dari amper siang dong su siap jualan. Dong sesuaikan deng jadwal kapal masuk. Samua ini karna dong harus topang ekonomi keluarga, terutama untuk pendidikan anak-anak di kampung deng di tanah rantau.
Makanan yang mama-mama dong jual ada banya jenis. Kalau ale butuh daging, jang kuatir. Kalau butuh ikan, itu lebe banya lai. Ada makanang isi-isi kabong, ada aneka jajanan, ada minuman yang bisa ale sesuaikan deng kemauan.
Tiap kali kapal masuk, orang-orang yang melanjutkan perjalanan jauh, pasti singgah dolo. Dong perlu bakal untuk perjalanan. Untuk itulah, mama-mama Adodo Molu dong siapkan bakal-bakal terbaik dari sini. Tiap masakan yang dong bikin, mengandung harapan, impian deng kasih sayang. Bukan sekedar jualan saja, sebab ada kehidupan keluarga yang dong perjuangkan.
Jadi, kalau kapal singgah di pelabuhan Adodo Molu, jang lupa turun e basudara. Katong tunggu di sini, deng masakan sdap-sadap par ale dong samua.